/2022.05.23/: Нийслэлийн Засаг даргын захирамжаар “Улаанбаатар марафон-2022” олон улсын гүйлтийн тэмцээнийг тавдугаар сарын 28-ны бямба гарагт зохион байгуулах гэж байна.
Иргэд цахимаар болон харьяа дүүргийнхээ Биеийн тамир спортын хороо, Монголын хэт холын марафон гүйлтийн холбоо, https://ubmarathon.hipay.mn/ сайтад буй утасны дугаараар холбогдон тавдугаар сарын 27-н хүртэл бүртгүүлэх боломжтой.
Энэ өдөр томоохон зах, худалдааны төвүүд мөн амарна. Энэ өдөр автомашины хөдөлгөөнийг БҮРЭН ЗОГСООХ ЗАМУУДад Сөүл, Бээжин, Анкара, Сүхбаатар, Их сургууль, Элчин, Хөх тэнгэр, Партизан, Олимп, Самбуугийн гудамж орж байна.
Ингэснээр Зүүн дөрвөн замаас, Баруун дөрвөн зам хүртэл зам хаагдана. Хойд хэсгээрээ Гэсэр сүмээс Сансрын тунель хүртэл автомашины хөдөлгөөнийг бүрэн зогсооно.
