/2022.03.12/ МИАТ ТӨХК нь 2022 оны гуравдугаар сарын 12-ны өдөр буюу өнөөдрөөс эхлэн Улаанбаатар-Франкфурт-Улаанбаатар чиглэлд шууд нислэг үйлдэхээр болжээ.

Ингэхдээ нислэгээ алслалт өндөртэй В767-300 агаарын хөлгөөр зогсолтгүй ШУУД үйлдэх юм байна.

Мөн МИАТ ТӨХК нь Орос-Украины дайнтай холбоотойгоор зорчигч тээврийн нислэгүүдийнхээ аюулгүй байдал, аюулгүй ажиллагааг өндөржүүлэн зарим нислэгийн маршрутдаа өөрчлөлт оруулахаар ажиллаж байгаа аж. Тодруулбал, УБ – Москва – Франкфурт – Москва – УБ чиглэлд нислэг үйлддэг байсан бол УБ – Бишкек – Истанбул – Франкфурт – Истанбул – Бишкек – УБ чиглэлээр нислэг үйлдэхээр төлөвлөн ажиллаж байна гэв.