/2023.03.02/ Эх Хүүхдийн Эрүүл Мэндийн Үндэсний Төв (ЭХЭМҮТ)-ийн эмч нар хүүхдийн улаан хоолойн дээд хэсэгт тээглэсэн гаднын биетийг гарган авах мэс ажилбар хийжээ.

Улмаар тухайн хүүхдийн хоолойд тээглэсэн зоосыг мэс ажилбарын аргаар гарган авсан байна. Энэ талаар ЭХЭМҮТ-ийн Ерөнхий мэс заслын тасгийн эрхлэгч Л.Ганбаяр өөрийн цахим хуудаснаа нийтэлжээ.

Тэрбээр, "Улаан хоолойн дээд хэсэгт тээглэсэн гаднын биет эмгэгийн үед яаралтай тусламж үзүүлж байна.

Эцэг эх, асран хамгаалагч та бүхэн бяцхан үрсдээ тавих анхаарлаа сайжруулна уу. Улаан хоолой, цагаан мөгөөрсөн хоолойд гаднын биет орсноор хүүхдийн тань эрүүл мэнд эрсдэлд орно" хэмээн анхааруулав.