/2023.02.09/: Турк, Сирийн хилийн ойролцоо өнгөрсөн даваа гарагийн үүрээр 7.8 магнитудын хүчтэй газар хөдлөлт болж мянга мянган хүний амийг авч одсон харамсалтай үйл явдал болсон.

Орон орны аврагчид барилгын нуранги доороос амьд үлдсэн хүмүүсийг эрэн хайж аварч байгаа бөгөөд найдвар улам бүр багассаар байна.

Энэхүү аймшигт газар хөдлөлтөөс хойш тухайн бүсэд тасралтгүй бага хэмжээтэй газар хөдлөлтүүд бүртгэгдсээр байна. Хамгийн сүүлд 25 минутын өмнө 4,6 магнитудын хүчтэй газар хөдлөлт зургаан минутын зайтай хоёр удаа болсон тул иргэд гудамжинд гаран зогсчээ.