/2022.11.15/: Ховд аймгийн Манхан сумын “Ботгоны хавцал” гэдэг газарт ачааны автомашин замын хажуу руу унаж автомашины бүхээгт 2 хүн хавчуулагдсан байна.

Энэ тухай дуудлага тус аймгийн Онцгой байдлын газарт ирсэн бөгөөд дуудлагын дагуу тус аймгийн Онцгой байдлын газрын Манхан сум дахь Эрэн хайх, аврах бүлгийн алба хаагчдыг очиход Баян-Өлгий аймгаас Баянхонгор аймгийн чиглэлд шатахуун тээвэрлэж явсан ”Норд Бенз” загварын ачааны автомашин автозамын хажуу руу унаж осолдсон байжээ.

Ослын улмаас жолооч А 51 настай, эрэгтэй, зорчигч Ш 44 настай, эрэгтэй нар автомашины бүхээгт хавчуулагдаж амиа алдсан байсныг 1 цаг ажиллаж цогцсыг гарган, аймгийн тээврийн Цагдаагийн тасгийн даргаар ахлуулсан бүрэлдэхүүнд шилжүүлэн өгчээ.

Эх сурвалж: ОБЕГ