/2022.07.25/: Дархан-Уул аймгийн Дархан сумын 15 дугаар багийн нутагт 38 настай, эмэгтэй “У” гэгч нь гадны нөлөөтэй гэртээ нас барсан гэмт хэрэг гарсан байна.

Уг хэргийг тус аймаг дахь цагдаагийн газрын алба хаагчид шалгахад амь хохирогчийн хамтран амьдрагч 42 настай, эрэгтэй “А” гэгч хувийн таарамжгүй харьцааны улмаас энэ оны долоодугаар сарын 13-наас 14-нд шилжих шөнө хохирогчийн амь насыг хохироон, гэмт хэргийг нуун далдлах зорилгоор цогцсыг нуун, хэргийн газрыг орхин явсан байсныг тогтоон, холбогдогч этгээдийг шуурхай эрэн сурвалжилж, энэ оны долоодугаар сарын 24-ний өдөр дайчлан баривчилж, мөрдөн шалгах ажиллагааг үргэлжлүүлж байна.

Эх сурвалж: ЦЕГ