/2022.06.23/: Өчигдөр буюу зургаадугаар сарын 22-ны өдөр Сэлэнгэ аймгийн Сүхбаатар суманд байх цахилгааны тулгуур багана дээр 1 хүн согтуугаар гарсан тухай дуудлага Онцгой байдлын газарт бүртгэгджээ.
Дуудлагын дагуу Онцгой байдлын газрын Эрэн хайх, аврах ангийн алба хаагчид очиход иргэн О 47 настай, эрэгтэй нь согтуугаар Сүхбаатар-Алтанбулаг чиглэлийн цахилгаан дамжуулах агаарын шугамын 25 метрийн өндөртэй тулгуур багана дээр гарсан /амиа хорлож болзошгүй/ гарсан байжээ.
Үүний улмаас Сүхбаатар-Алтанбулаг чиглэлийн цахилгаан хүчдэлийг 2 цагийн хугацаанд тэжээлээс нь салгасан байна.
Тухайн иргэнтэй нийт 3 цаг ярилцсаны эцэст эсэн мэнд буулгаж чаджээ.
Эх сурвалж: ОБЕГ
