/2022.05.24/ Монгол Улсад нисэх хүчин үүсч хөгжсөний түүхт 97 жил, “Буянт-Ухаа” Олон улсын нисэх буудлын 65 жилийн ой энэ онд тохиож буй. Ойн хүрээнд энэ сарын 21-ны өдөр тус нисэх буудлын гадна талбайд дэлхийн найман рекорд эзэмшигч Zola&Bros циркийн үзүүлэх тоглолт, нисэх загварын спорт тэмцээн боллоо.
Арга хэмжээнд иргэд, хүүхэд багачууд ирж, олон төрлийн агаарын хөлөг, нисдэг тэрэгтэй танилцан, зургаа авахуулж, нисэх загварын үзүүлэх тоглолт үзэж сонирхлоо. Мөн Zola&Bros циркийн хамт олон дээс, акробат, нугаралт, жонглёр, шидэх банз, агаарын цагираг, агаарын даавуу, илбэ болон галтай үзүүлбэр зэргийг ирсэн хүүхэд багачууд, иргэдэд үзүүлсэн юм.
