/2021.08.10/: Өнгөрсөн гуравдугаар сарын 19-нд Нийслэлийн Засаг дарга бөгөөд Улаанбаатар хотын Захирагч Д.Сумъяабазар болоод холбогдох албаныхан Хавдар судлалын үндэсний төв (ХСҮТ)-д ажиллаж, зөвшөөрөлгүй баригдсан 59 тоосгон гараашийг буулгах, газар чөлөөлөх үүргийг өгсөн билээ.
Тус чөлөөлсөн газар дээр хавдраас урьдчилан сэргийлэх, эрт илрүүлгийн төвийг барьж байгуулахаар төлөвлөөд байгаа юм. Тэгвэл өнөөдөр Баянзүрх дүүргийн газар зохион байгуулалтын албанаас ХСҮТ-ийн хойд талд зөвшөөрөлгүй барьсан 59 тоосгон гараашийг буулгаж, газар чөлөөлөх ажлыг эхлүүлээд байна.
