ЭНЭХҮҮ МЭДЭЭЛЭЛ НЬ БАЙНГА ШИНЭЧЛЭГДЭН, НЭМЭГДЭЖ БАЙГААГ АНХААРНА УУ

/2022.03.02/ Хоёрдугаар сарын 24-нд Владимир Путин Москвагийн цагаар өглөөний 5:30 цагт Украинд "цэргийн тусгай ажиллагаа" эхлүүлэх" тухай зарлав.

France24 18.11- Кличко Оросын цэргүүд Киевт ойртсон гэж мэдээллээ

Киев хотын дарга Витали Кличко өөрийн сошиал хуудсандаа "Оросын цэргүүд нийслэлд ойртож байна. Бид Киевийг хамгаалахаар бэлтгэж байна. Бид ялна" гэжээ.

Ukranews 14:10- Зеленськийг устгахаар Украин руу илгээсэн Кадыровчуудын бүлгийг устгажээ

Ерөнхийлөгч Владимир Зеленскийг устгахаар Украин руу илгээсэн Кадыровын элит бүлэглэлийг устгасан тухай Украины Үндэсний аюулгүй байдал, батлан ​​хамгаалах зөвлөлийн нарийн бичгийн дарга Алексей Данилов мэдэгдэв.

Энэ тухай Үндэсний аюулгүй байдал, батлан ​​хамгаалах зөвлөлийн нарийн бичгийн дарга Алексей Данилов “Украина 24” телевизийн эфирээр мэдэгдсэнийг Украины мэдээллийн агентлаг мэдээлэв.

"Өнөөдөр бид Оросын зэвсэгт хүчин ёс зүйгүй аашилж эхэлснийг ойлгож байна. Энэ цуст дайнд оролцох хүсэл алга. Манай ерөнхийлөгчийг устгахаар тусгайлан энд ирсэн Кадыровын элит бүлэглэл байсан гэхдээ тэднийг устгасан болохыг би хэлж чадна" гэж Данилов хэлэв.

Кадыровчууд бол Чеченийн Бүгд Найрамдах Улсын тэргүүн Рамзан Кадыровын хувийн хамгаалалтын чиг үүргийг гүйцэтгэдэг Оросын Үндэсний гвардийн цэргүүдийн тусгай бүлэг юм.

"Тэд хоёр бүлэгт хуваагдсан, бид тэднийг мөрдсөн. Нэг хэсэг нь Гостомелд бүслэгдсэн бол нөгөө хэсэг нь одоо бидний бууны хараа овоо дор байна" гэж ҮАЗ-ны нарийн бичгийн дарга хэлэв.

Данилов мөн Зеленский Виталий Кличкогийн оронд мэргэжлийн цэргийн хүн, ҮАЗ-ийн шинжээч Николай Жирновыг Киев хотын цэргийн захиргааны даргаар томилж, Киевийн хамгаалалтыг бэхжүүлсэн гэж дурджээ.

Жирнов Киевийн хамгаалалтыг удирдана.

Украины мэдээллийн агентлагийн мэдээлснээр, Зеленский өмнө нь Оросын устгах нэг номерийн бай бол өөрийгөө харин гэр бүл нь хоёр дахь бай хэмээн тодорхойлсон ажээ.

Хоёрдугаар сарын 24-ний өглөөний 5:00 цагт Оросууд Украины Борисполь (Киев муж), Озерный (Житомир), Кулбакино (Николаев), Чугуев (Харьков муж), Краматорск (Донецк муж), Чернобаевка (Херсон) дахь Украины нисэх онгоцны буудлууд руу пуужингаар болон бөмбөгөөр дайрсан. Зэвсэгт хүчний цэргийн байгууламжууд болон улсын хил дагуу Украины нутаг дэвсгэр, суурин газруудыг буудаж эхлэсэн билээ.

Roiters 11:43- Виза болон Мастеркартууд ОХУ-ыг ХОРИГТ ОРУУЛЛАА

АНУ-ын төлбөрийн системийн фирм болох Виза болон Мастеркартууд сүлжээнээсээ ОХУ-ыг хасах хориг арга хэмжээ авчээ.

Даваа гарагт Виза компанийн зүгээс хориг арга хэмжээ авч буйгаа мэдэгдээд, дээр нь хоёр сая долларыг Украинд хандивлаж буйгаа мэдэгдсэн юм. Мастеркарт ч мөн адил мэдэгдэл хийлээ.

2021 онд Mastercard-ын цэвэр орлогын 4 орчим хувийг ОХУ-ын дотор болон хилийн чанадад хийсэн бизнесээс олсон байна. Үүний зэрэгцээ, мягмар гарагт гаргасан мэдэгдэлд дурдсанаар, Украины доторх, орох, гадагшаа хийсэн бизнес нь цэвэр орлогынх нь 2 хувийг эзэлж байна.

Reuters 10:29- В.Зеленський: Европын холбоо бидэнтэй хамт байгаагаа нотолно уу

Украины Ерөнхийлөгч Володимир Зеленський мягмар гарагт Европын парламентын яаралтай хуралдаанд видео холбоосоор холбогдон Украины Оростой хийж буй дайнд "бидэнтэй хамт байгаагаа нотлохыг" Европын холбооноос хүсэв.

Европын холбооны хууль тогтоогчидын нэг хэсэг нь Украины далбаатай футболк өмссөн бол бусад нь цэнхэр шар өнгийн ороолт болон тууз зүүн Зеленськид алга ташиж байв.

Зеленський нулимс дуслуулан ярьсаныг орчуулагч англи хэл рүү хөрвүүлсэн ба "Бид Европын эрх тэгш гишүүн байхын төлөө тэмцэж байна" гэж хэлжээ.

"Та бүхэн бидэнтэй хамт байгаагаа, биднийг орхихгүй гэдгээ нотлооч. Та нар үнэхээр Европчууд гэдгээ нотлооч, тэгвэл амьдрал үхлийг, гэрэл харанхуйг ялна" гээд "ЕХ бидэнтэй хамт илүү хүчтэй байх болно" хэмээн хэлжээ.

Зеленський түрэмгийллийн эсрэг ард түмэнтэйгээ жагсаахын тулд Киевт үлдсэн гээд мягмар гарагт хэлсэн үгэндээ Оросын хуягт тээврийн цуваа Украины нийслэл рүү дөхөж байна гэв.

Даваа гарагт төв болон зүүн Европын найман улсын ерөнхийлөгч нар нээлттэй захидал нийтэлж, Украинд нэн даруй Европын холбоонд нэр дэвшигчийн статус олгож, гишүүнчлэлийн албан ёсны хэлэлцээг эхлүүлэхийг уриалсан байна.

Дайны дараа Москвагийн эрхшээлд буцаж орохгүй байж чадах ч гишүүнчлэлийн аливаа үйл явц урт бөгөөд хэцүү байх болно гэдгийг Украин сайн мэдэж байгаа ажээ.

Мягмар гарагийн орой санал хураах хуулийн төслийн дагуу ЕХ-ны хууль тогтоогчид Оросыг "хуурамч улс" гэж нэрлэн, гишүүн орнуудыг улам илүү хатуу хориг арга хэмжээ авахыг уриалах төлөвтэй байна.

Ерөнхийлөгч Владимир Путин өнгөрсөн долоо хоногт хөрштэйгөө дайн эхлүүлсний дараа ЕХ урьд өмнө хэзээ ч байгаагүй алхмуудыг хийж, тэр дундаа Украинд зэвсэг нийлүүлэх ажлыг санхүүжүүлсэн байна.

Европын парламент Европын холбооны удирдагчдыг Оросын удирдлагад ойр байгаа олигархиуд болон албан тушаалтнуудад хатуу хандаж, ОХУ-аас нефть, байгалийн хийн импортлохыг хязгаарлах, Орос болон түүний холбоотон Беларусийг SWIFT банкны системийг бүхэлд нь хориглох, ЕХ-ны бүх портуудыг хаахыг уриалжээ.

Орос улс Украин дахь үйлдлээ "неонацистууд болон хар тамхичид" гэж тодорхойлдог удирдагчдаас нь ангижруулах зорилготой "цэргийн тусгай ажиллагаа" гэж нэрлэж байна.

Европын Комиссын ерөнхийлөгч Урсула фон дер Лейен хэлэхдээ, Путин Украин руу довтлох шийдвэр гаргасан нь улс орнуудыг Оросын эсрэг нэгтгэхэд нөлөөлсөн гэв.

"Хэрвээ Путин Европын холбоог хагалан бутаргах, НАТО-г сулруулах, олон улсын хамтын нийгэмлэгийг эвдэхийг зорьж байсан бол тэр яг эсрэгээрээ үр дүнд хүрсэн" гэж фон дер Лейен ЕХ-ны парламентад хэлсэн үгэндээ дурджээ.

Globaltimes.cn 10:22- УКРАИН: Хятад улс Киевийг хэлэлцээр хийхийг уриалж байна

Хятадын Төрийн зөвлөлийн гишүүн, Гадаад хэргийн сайд Ван И Украины Гадаад хэргийн сайд Дмитрий Кулебатай утсаар ярихдаа Хятад улс Украин, Оросыг хэлэлцээрийн замаар хямралыг шийдвэрлэхийг уриалж, улс төрийн аргаар шийдвэрлэх олон улсын бүхий л бүтээлч хүчин чармайлтыг дэмжихийг уриаллаа.

Уулзалтын үеэр Ван хэлэхдээ, Орос, Украины хямрал хурцдаж байгаад Хятад улс гүнээ харамсаж, энгийн номхон иргэдийн амь насыг хохироосон асуудалд онцгой анхаарал хандуулж байна. Украины хямралын талаарх Хятадын байр суурь шударга, ил тод, тууштай байна гэж Ван хэлэв.

Бусдын аюулгүй байдлыг алдагдуулах замаар улс орны аюулгүй байдлыг хангах боломжгүй, мөн бүс нутгийн аюулгүй байдлыг цэргийн эвслийг өргөжүүлэх замаар хангах боломжгүй гэж Хятад улс үргэлж итгэж ирсэн гэж Ван И тэмдэглэв.

Газар дээрх байдлыг аль болох намжааж, мөргөлдөөнийг хурцатгах, хяналтаа алдахаас зайлсхийх, ялангуяа энгийн иргэдэд хохирол учруулах, хүмүүнлэгийн болзошгүй хямралаас сэргийлэх, аюулгүй байдлыг хангах нь яаралтай ажил гэж Ван тэмдэглэв.

Кулеба Ванд хандан хэлэхдээ, Хятад улс Украины асуудалд бүтээлч үүрэг гүйцэтгэсэн бөгөөд Украин Бээжинтэй харилцаа холбоогоо бэхжүүлэхэд бэлэн байна, гал зогсоох хэлэлцээрт хүрэхийн тулд Хятад улс сайн хүчин чармайлт гаргахыг хүсэж байна гэжээ.

Украйны Гадаад хэргийн сайд утсаар ярихдаа Оростой хийх хэлэлцээний эхний шатны талаар дурдаад, дайныг зогсоох нь хэлэлцээрийн замаар шийдвэрлэхэд нээлттэй, хэлэлцээрт нааштай чин сэтгэлээсээ хандаж буй Украины хувьд нэн тэргүүний зорилт гэдгийг онцлон тэмдэглэв.

Хэдийгээр одоогийн хэлэлцээ жигдрээгүй байгаа ч Украин тайван байж, яриа хэлэлцээгээ үргэлжлүүлэхэд бэлэн байна гэж Кулеба хэлэв.

Украйнд байгаа хятад иргэдийн аюулгүй байдлыг хангахыг Ван Кулебад уриалаад, Хятадын засгийн газар тэдний аюулгүй байдлыг ямагт чухалчилдаг гэдгийг онцолжээ.

Ван мөн Украины талын дэмжлэг, хамтын ажиллагаа, Украины нийгмийн бүхий л салбарын найрсаг тусламжийг Хятад улсаас оюутнууд болон гадаадын иргэдийг нүүлгэн шилжүүлэхэд талархаж байна.

Украин Хятадын иргэдийн аюулгүй байдлыг хангахын тулд шаардлагатай бүх арга хэмжээг авч, нүүлгэн шилжүүлэх ажиллагааг үргэлжлэн хамгаална гэдэгт Хятадын тал найдаж байна.

Кулеба хэлэхдээ, гадаадын иргэдийн аюулгүй байдлыг хангах нь чухал үүрэг хариуцлага бөгөөд Украин Хятадын талын санаа зовнилыг чухалчилж, Хятадын иргэдийг саадгүй нүүлгэн шилжүүлэхэд тусалж байна. Тэрээр мөн Украин улс гадаадын иргэдийг аюулгүй нүүлгэн шилжүүлэх ажлыг үргэлжлүүлнэ гэж амлав.

CNN 10:10- Оросын цэргүүдэд эзлэгдсэн Украины хотууд

Орос Украин руу цөмрөн орсноос хойш бараг долоо хоногийн дараа Москвагийн арми тус улсын хойд, зүүн, өмнөд хэсэгт орших хилийн бүс нутгуудад томоохон ахиц дэвшил гаргасан байна.

Мягмар гарагт Оросын арми хэд хэдэн гол хот руу довтолж, Украины зүүн хойд хэсэгт орших хоёр дахь том хот болох Харьковыг бөмбөгдлөө. Тэд мөн өмнөд хэсэгт ширүүн маргаантай боомт хотыг дайран орж, өөр хэд хэдэн хотыг бүсэлсэн байх магадлалтай ажээ.

Орос мөн Киев рүү дайрах ажиллагаагаа эрчимжүүлж, мягмар гарагт хот дахь Холокостын дурсгалын газрыг пуужингаар харвасан байна. Хүмүүсийг нүүлгэн шилжүүлсэн байсан ч хотын ойролцоох хувийн амаржих газар руу пуужингийн хэлтэрхий туссан байна.

Энэ хооронд Оросын танк, хуягт машин, их бууны цуваа 40 миль урттай Украины нийслэлийг чиглэн явж байгааг Maxar Technologies-ийн хиймэл дагуулаас авсан зургууд харуулжээ.

Риа новости 09:57- Томоохон автомашин үйлдвэрлэгчид ОХУ-д автомашин нийлүүлэхээ зогсоожээ

Фольксваген хоёрдугаар сарын 28-наас эхлэн Оросын дилерүүдэд автомашин нийлүүлэхээ зогсоосон гэж тус компанийн хэвлэлийн алба РИА Новости агентлагт мэдээлжээ.

"Бид импортын тухай биш Орост байгаа автомашинуудын тухай ярьж байна" гэж автомашин үйлдвэрлэгч онцлон тэмдэглэв.

Өнгөрсөн долоо хоногийн эцэс гэхэд ОХУ-д автомашин нийлүүлэхээ зогсоохоор шийдсэн дор хаяж долоон брэнд мэдэгдлээ. Тэдний дунд Jaguar, Land Rover, Audi, Skoda зэрэг байгаа гэж хэвлэл мэдээллийн хэрэгслээр яригдаж байжээ.

Москвагийн Renault үйлдвэрт хоёрдугаар сарын 28-аас гуравдугаар сарын 5 хүртэл үйлдвэрлэлээ зогсооно гэж өмнө нь мэдэгдэж байсан. Үүний шалтгаан нь хилийн дэглэмийг бэхжүүлэхтэй холбоотой бүрэлдэхүүн хэсгүүдийн нийлүүлэлт тасалдсан явдал байв.

Япон Солонгос хориг арга хэмжээнд нэгдсэн даруйд хоёрдугаар сарын сүүлийн амралтын өдрүүдэд Орос улсад хуучин автомашины эрэлт хэрэгцээ их байв.

Ал Жазийра 08:30- Нүүлгэн шилжүүлэлтийн асуудлын улмаас Энэтхэг оюутан амиа алджээ

Дайнд нэрвэгдсэн Украины Харьков хотод нэг Энэтхэг оюутан буудуулан амь үрэгдсэн тухай Энэтхэгийн гадаад хэргийн яам мэдээлээд Украин улсаас оюутнуудыг нүүлгэн шилжүүлэх ажлын талаар Шинэ Дели шүүмжиллээ.

Яамны хэвлэлийн төлөөлөгч Ариндам Багчи мягмар гарагт Твиттер хуудсандаа "Гадаад хэргийн сайд Орос болон Украины Элчин сайдуудыг дуудаж, Харьков болон мөргөлдөөнтэй байгаа бусад хотуудад оршин суугаа Энэтхэгийн иргэдийг яаралтай аюулгүй хил нэвтрүүлэхийг шаардлаа" гэж мэдэгджээ.

Хуучин ЗХУ-ын бүрэлдэхүүнд байсан бүгд найрамдах улс руу довтлох ажиллагаа зургаа дахь өдрөө үргэлжилж байгаа энэ үед Оросын арми их буугаар буудаж, Харьков болон бусад томоохон хотуудыг бүслээд байна гэж Украины албаны хүн мэдэгдэв.

Энэтхэгийн хэвлэл мэдээллийн хэрэгслүүдийн мэдээлснээр нас барсан оюутныг Навин Шекхараппа гэдэг бөгөөд Украинд анагаах ухааны чиглэлээр суралцдаг байжээ. Оюутан Харьков хотоос гарах зам хайж байгаад нас барсан гэж түүний өрөөний хамтрагч Энэтхэгийн NDTV сувагт ярьжээ.

“Тэрээр амбан захирагчийн байшингийн ойролцоо амьдардаг байсан бөгөөд хоол, хүнсээ авахаар дараалалд зогсож байсан ба гэнэт агаарын цохилт болж амбан захирагчийн байшин дэлбэрсэний улмаас амиа алдсан” гэж Харьков дахь Энэтхэг оюутны зохицуулагч Пужа Прахараж NDTV-д ярьжээ.

Украины засгийн газрын мэдээллээс үзэхэд Украин дахь 76,000 гадаад оюутны дөрөвний нэгийг Энэтхэгчүүд эзэлдэг байна.

Шинэ Дели өнгөрсөн сард 4000 орчим энэтхэгчүүдийг нүүлгэн шилжүүлсэн ч Энэтхэгийн гадаад хэргийн яамны хамгийн сүүлийн үеийн мэдээллээр 16000 орчим хүн гацаад байгаа ажээ. Өчигдөр өглөө /гуравдугаар сарын 1/Украин дахь Энэтхэгийн элчин сайдын яам мөн зөвлөмж гаргаж, Энэтхэг оюутнуудыг "Яаралтай Киев хотыг орхихыг" хүссэн байна.

Энэтхэгийн засгийн газар оюутнуудыг тус улсаас гарган авах ажиллагаанд туслах зорилгоор холбооны дөрвөн сайдыг Украины хөрш орнууд руу илгээжээ.

Гэвч Украинд гацсан олон оюутнууд Энэтхэгийн засгийн газрын аврах хүчин чармайлтыг шүүмжилж, олон нийтийн мэдээллийн хэрэгслээр тэдний зовлон зүдгүүрийг онцолсон олон тооны видеог нийтэлсэн байна.

Энэтхэгийн хэвлэл мэдээллийн хэрэгслүүдийн мэдээлснээр Энэтхэгийн зарим оюутнуудыг хөрш орнууд руу нэвтрүүлэхгүй байгаа бөгөөд хилийнхэн тэднийг нэвтрүүлэхгүй, мөнгө нэхэж байгаа гэх мэдээлэл байна.

"Би Украйны хилийн ойролцоо зогсоод Румын руу орох ээлжээ хүлээж байтал хэдэн харуулууд Энэтхэг оюутнууд руу буу тулган, тэдний хэл амаар доромжилж байгааг харлаа" гэж нэгэн оюутны хэлснийг Times of India иш татжээ.

"Hindustan Times" сонин Украины зүүн хэсэгт амьдардаг оюутан Ишика Саркарын видео бичлэгээс иш татан, тус нутагт байгаа энэтхэг оюутнууд бункерт хорогдож байгаа бөгөөд хоол хүнсний хомсдолд орсон хэмээн мэдээлжээ.

Энэтхэгийн сөрөг хүчний удирдагч Рахул Ганди мягмар гарагт засгийн газрыг Украин дахь Энэтхэг оюутнуудыг аюулгүй нүүлгэн шилжүүлэх стратегийн төлөвлөгөө гаргаагүй хэмээн шүүмжлээд өөрийн твиттер хуудсандаа "Хором бүр үнэ цэнэтэй" гэж бичжээ.

03.01-ний мэдээг ЭНД ДАРЖ

28-ны мэдээг ЭНД ДАРЖ

27-ны мэдээг ЭНД ДАРЖ

26-ны мэдээг ЭНД ДАРЖ

25-ны мэдээг ЭНД ДАРЖ,

24-ний мэдээг ЭНД ДАРЖ хүлээн авна уу.