/2021.11.10/: Цагдаагийн байгууллагаас хүйтний улирал эхэлсэнтэй холбоотой иргэд гудамж талбайд осгож нас барах тоиолдол ихсэх хандлагатай байгааг анхааруулж байна.

Сүүлийн 1 сарын хугацаанд улсын хэмжээнд 29 иргэн осгосон байдалтай нас барсан байна.

Үүнээс 51,7 хувь нь нийслэл хотод бүртгэгдсэн. Осгож нас барсан иргэдийн 58,6 хувь нь архи, согтууруулах ундааны зүйл хэрэглэсэн үедээ, 41,4 хувь нь бусад шалтгааны улмаас осгож нас барсан байна. Нас барагсдын 27 хүн нь эрэгтэй, 2 эмэгтэй хүн байна.

Иргэдэд архи согтууруулах ундааг хэтрүүлэн хэрэглэхгүй байх, согтууруулах ундаа хэрэглэсэн нэгнийгээ орой үдшийн цагаар ганцааранг явуулахгүй байхад анхааруулах сэрэмжлүүлэх шаардлагатай байгаа юм.