/2023.03.28/ Хан-Уул дүүргийн нутаг дэвсгэрт хүний амь нас хохироож, таксины жолоочид халдсан хэрэг өнөөдөр гарчээ.

Тодруулбал, иргэн “Г” нь дүү “Б”-ийн хамт такси үйлчилгээнд явж байх үед үйлчлүүлсэн 45 настай, эрэгтэй “Б” гэгч нь ах дүү хоёрын биед халджээ. Тэрээр жолоочийн хамт явсан 25 настай, эрэгтэй “Б”-ийн биеийг хутгаар зүсэж амь насыг нь хохироосон байна. Улмаар жолооч “Г”-ийн биед халдахаар хөөж байх үед нь тус дүүргийн цагдаагийн алба хаагчид таслан зогсоож саатуулжээ. Одоогоор хэргийг мөрдөн шалгах ажиллагаа явуулж байгаа аж.