/2023.01.26/: Нийслэлийн Засаг дарга бөгөөд Улаанбаатар хотын Захирагч Д.Сумъяабазарын санаачилгаар зохион байгуулж буй "Амар байна уу" үндэсний үйлдвэр эрхлэгчдийн өргөтгөсөн үзэсгэлэн худалдаа зургаа дахь өдрөө үргэлжилж байна.

Эдийн засгийн эргэлтийг эрчимжүүлэх, жижиг, дунд бизнес эрхлэгчдийг дэмжих зорилготой тус үзэсгэлэнд нийслэлийн есөн дүүрэг, 21 аймгийн 1000 ЖДҮҮ эрхлэгч 15-20 мянган нэр төрлийн бүтээгдэхүүн үйлчилгээгээ түрээсийн ямар нэгэн төлбөргүйгээр худалдаалж байна.

"Амар байна уу" үзэсгэлэн худалдааг “Шинэ 100 айл” худалдааны төвд хоёрдугаар сарын 20-н хүртэл зохион байгуулах тул та бүхэн өргөнөөр үйлчлүүлэн, үндэсний үйлдвэрлэлээ дэмжээрэй.