/2023.01.23/ Цахилгаан шатанд гацсан байсан хоёр хүүхдийг эсэн мэнд гаргажээ.

Тодруулбал, Сүхбаатар дүүргийн 11 дүгээр хороонд байрлах нэгэн байрны цахилгаан шатанд хоёр хүүхэд гацчихлаа гэсэн дуудлага энэ сарын 22-ны өдөр буюу өчигдөр Онцгой байдлын газарт ирсэн байна. Дуудлагын дагуу нийслэлийн Аврах ангийн алба хаагчид очиход тус байрны оршин суугч иргэн Н /14 настай, эмэгтэй/, Э /8 настай, эрэгтэй/ нар цахилгаан шатанд гацсан байжээ. Улмаар 10 минут ажиллан тэднийг гаргаж ээж Д-д хүлээлгэн өгсөн байна.