/2022.11.01/: “Хүрээ амаржих газар" төрөлжсөн мэргэшлийн эмнэлэг нь сэтгэл ханамжийн судалгаа авах цахим системийг нэвтрүүлжээ.

Тус амаржих газар нь удирдлагын зохион байгуулалт, эмнэлгийн тусламж, үйлчилгээний чанар хүртээмжийг сайжруулах, эмч, эмнэлгийн мэргэжилтэн, ажилтны хариуцлага, ёс зүйг дээшлүүлэх, үйлчлүүлэгчдийн сэтгэл ханамжийн түвшин, түүнд нөлөөлж буй хүчин зүйлсийг тодруулах зорилгоор тус судалгааг цахимаар авч эхэллээ.

Сэтгэл ханамжийн судалгааг эмч, эмнэлгийн мэргэжилтэн ажилтнаас, амбулаторийн үйлчлүүлэгчээс, хэвтэн эмчлүүлэгчээс бүлэг асуумжаар цуглуулж үр дүнг нэгтгэх аж.

Эх сурвалж: ЭМЯ