/2022.10.27/ Засгийн газрын хуралдаан өчигдөр болж зарим шийдвэрийг гаргасан билээ. Тодруулбал, “Эрдэнэс Тавантолгой” ХК-д онцгой дэглэм тогтоож, Засгийн газрын эрх бүхий төлөөлөгчөөр Сангийн яамны ТНБД Ж.Ганбатыг томилсон юм.

Тэрбээр өчигдөр орой “Эрдэнэс Тавантолгой” ХК дээр ажиллахаар очсон бөгөөд тус компанийн гүйцэтгэх захирал Б.Ганхуягийн тамга тэмдгийг нь хурааж авсан байдаг. Тэгвэл “Эрдэнэс Тавантолгой” ХК-ийн Гүйцэтгэх захирал Б.Ганхуяг өөрийн твиттер хуудсаараа дамжуулан ажлаа хүлээлгэн өгсөн талаараа мэдээллээ.

Тэрбээр:

-Д.Амарбаясгалан сайдтай ЭТТ-ийн бүрэн эрхт төлөөлөгч Ж.Ганбатын хамт уулзаж, ЭТТ ХК-ийн бүх эрхийг Засгийн газрын тогтоолын дагуу Ж.Ганбатад шилжүүллээ. Ажилд нь амжилт хүсье гэжээ.