Хоол үйлдвэрлэл үйлчилгээний чанар хүртээмжийг сайжруулах ажлын хүрээнд Швейцарийн хөгжлийн агентлагийн "Монгол ногоо" төсөлтэй санамж бичиг байгуулан хамтран ажиллах гэрээ байгуулан ажиллаж байна.

Төслийн хүрээнд 18 сургууль 32 цэцэрлэг хамрагдаж нийт 10 төрлийн 18 тн хүнсний ногоо хурааж аваад байна.

Туршилт танин мэдэхүйн талбай нь амьдрах арга ухаанд багш, ажилтан, эцэг эх, хүүхдүүд хамтран суралцаж, хүнсний хангамжийг оновчтой төлөвлөх, хүнсний хэрэглээг нэмэгдүүлж, хүүхдийг бичил шим тэжээлийн дутлаас урьдчилан сэргийлэх мэдлэг ойлголтыг сайжруулах, хүүхдийн хоолны орцыг нэмэгдүүлж, хоолны нэр төрлийг олшруулж ажиллахад дэмжлэг үзүүлнэ.

Төсөлд хамрагдсан байгууллагаас 71 дүгээр цэцэрлэгийг онцлон хүргэвэл, цэцэрлэгийн туршилт танин мэдэхүйн 180 мкв, 54 мкв талбай бүхий 2 хүлэмжээс 215,6 кг 12 төрлийн ургац хурааж авсан байна. Мөн 150 мкв талбайд 6 төрлийн жимсний мод бут тарьж ургуулаад байгаа юм.