Дэлхийн 150 орны Соёлын сайд нарын олон улсын хурал боллоо
 
Энэ мэдээ хуучирсан буюу 2022/09/30-нд нийтлэгдсэн мэдээ болно.

Дэлхийн 150 орны Соёлын сайд нарын олон улсын хурал боллоо

/2022.09.30/: Соёлын сайд Ч.Номин Мексикийн Нэгдсэн Улсын Мехико хотноо 2022 оны 9 дүгээр сарын 28-30-ны өдрүүдэд зохион байгуулагдаж буй ЮНЕСКО-гийн “Соёлын бодлого, тогтвортой хөгжлийн асуудлаарх Дэлхийн соёлын сайд нарын бага хурал – МОНДИАКУЛЬТ 2022”-д оролцож байна.

May be an image of 1 person, standing and outdoors

Тус бага хурал нь 1982 онд Мехико хотод болсон Соёлын бодлогын дэлхийн бага хурлаас хойш дөчин жилийн дараа, 1998 онд Шведийн нийслэл Стокгольм хотноо болсон ЮНЕСКО-гийн “Хөгжлийн төлөөх соёлын бодлого” сэдэвт дэлхийн ерөнхий бага хурлаас хойш 24 жилийн дараа зохион байгуулагдаж байгаагаараа онцлог бөгөөд гишүүн 160 гаруй орны төлөөлөгчид оролцож байгаагийн 150 орчим нь соёлын сайд нар байна.

Бага хурлыг нээж Мексикийн Нэгдсэн Улсын Ерөнхийлөгч ноён Андрес Мануэль Лопес Обрадор, НҮБ-ын Боловсрол, шинжлэх ухаан, соёлын байгууллага (ЮНЕСКО)-ын Ерөнхий захирал Одри Азулей нар үг хэлэв. Энэхүү бага хурал нь соёлын салбарын бодлого, чиглэл, үйл ажиллагаа, хоёр болон олон талт хамтын ажиллагааг уялдуулах зорилготой бөгөөд соёлын олон төрөл, тэдгээрийн дотор соёлын өв, бүтээлч үйлдвэрлэлийн салбарын хамтын ажиллагааны суурь нөхцөлүүдийг тодорхойлох, үндэсний соёлын бодлого боловсруулахад дэмжлэг үзүүлэх, хэрэгжүүлэлтэд анхаарч, хамтын ажиллагааны боломж, нөхцөлөөр гишүүн орнуудаа хангахад чиглэж байна.

Соёлын сайд Ч.Номин бага хуралдааны хүрээнд ЮНЕСКО-гийн Ерөнхий захирал Одри Азулейтэй хоёр талын уулзалт хийж өнгөрсөн долдугаар сард Монгол Улсад хийсэн айлчлалын үр дүн, хэлэлцсэн асуудлуудын талаар санал солилцлоо.

Цаашид Монгол Улсын Засгийн газар, ЮНЕСКО хооронд шинэчлэн байгуулсан хамтын ажиллагааны санамж бичигт туссан үйл ажиллагааг эрчимжүүлэх хүрээнд ЮНЕСКО-гийн Соёлын салбарын олон улсын хурлыг 2023 онд Улаанбаатар хотноо хамтран зохион байгуулах, олон улсын хамтын нийгэмлэгийн өмнө тулгарч буй сорилтуудыг даван туулахад бодит хувь нэмэр оруулна хэмээн үзэж Монгол Улсын соёл, урлагийн салбарын томоохон төлөөлөл болсон уран бүтээлчдийг ЮНЕСКО-гийн Сайн үйлсийн Элч (UNESCO Goodwill Ambassador)-ээр томилох хүрээнд хамтран ажиллахаар тус тус тохиролцлоо.

May be an image of 4 people, people standing, indoor and text that says 'S MONGOLIA'

May be an image of 3 people and indoor

May be an image of 2 people and text that says 'GOLIA TH unes Ur snapshots UNESCO ESCO unesco'

Кью Эс Си: Биднээс дөлж зугталгүй, албан уулзалт хийнэ үү
Кью Эс Си: Биднээс дөлж зугталгүй, албан уулзалт хийнэ үү
 
“Монголын геологи, хайгуул-2024” чуулга уулзалт 15 дахь жилдээ зохион байгуулагдаж байна
“Монголын геологи, хайгуул-2024” чуулга уулзалт 15 дахь жилдээ зохион байгуулагдаж байна
Энэ мэдээ хуучирсан буюу 2022/09/30-нд нийтлэгдсэн мэдээ болно.