/2022.08.19/ Хилийн цэргийн 0306 дугаар ангийн хилийн цэргийн ... дугаар салбарын орлогч, ахлах дэслэгч М зэвсгийн осол гаргаж, биедээ гэмтэл учруулсан хэрэг гарчээ.

Тодруулбал, осол өнөөдөр буюу наймдугаар сарын 19 ны өдрийн 08.00 цагийн үед болсон байна. Тиймээс Хил хамгаалах ерөнхий газар /ХХЕГ/, Төрийн тусгай албан хаагчдын нэгдсэн эмнэлэг /ТТАХНЭ/-ээс томилогдсон бүлэг тухайн албан хаагчийг нисэх онгоцоор татан авч, эмнэлгийн тусламж үзүүлжээ.

Одоогоор алба хаагчийн биеийн байдал тогтвортой байгаа гэж мэдээллээ.

Эх сурвалж: Хил хамгаалах ерөнхий газар