/2023.09.18/: БНХАУ-д "Улаанбаатарын үдэш" дуугаар нэрд гараад буй Чинхай мужийн Гүйнань хотын ээж хүү хоёр Улаанбаатар хотноо хүрэлцэн ирж, тус дууны клипийг хотын төв болон хот орчимд хийж байна.

Энэ хүрээнд Нийслэлийн Засаг даргын орлогч З.Төмөртөмөө зочдыг хүлээн авч уулзан, Монгол Улсын нийслэл Улаанбаатар хотыг сурталчилж буй явдалд талархал илэрхийллээ.

Мөн Улаанбаатар хотод хүрэлцэн ирсэн тухай мэдээлэл БНХАУ-ын цахим орчинд цацагдсан даруйд 20 саяд хүнд хүрээд байна.