/2023.05.11/: Хөвсгөл аймгийн Мөрөн сумын Талын хонхор хороололд гэр шатаж байна гэсэн дуудлага аймгийн онцгой байдлын газарт өчигдөр өдрийн 17:46 цагт иржээ.

Дуудлагын дагуу тус аймгийн Онцгой байдлын газрын Гал түймэр унтраах, аврах 27 дугаар ангийн алба хаагчдыг очиход иргэн М-ийн 5 ханатай гэр шатаж байсныг 13 минут ажиллаж унтраасан байна.

Харамсалтай нь тус гал түймэрт М 54 настай, эмэгтэй өртөж амиа алдсан тул цогцсыг гарган тус аймгийн Цагдаагийн газрын ахлах мөрдөгчид хүлээлгэн өгчээ.

Эх сурвалж: ОБЕГ