/2023.05.11/: Дэ Нэйче Консерванси байгууллага /TNC/-ын Газар, далай, ус хамгаалах асуудал хариуцсан захирал ноён Жэф Паришыг БОАЖ-ын сайд Б.Бат-Эрдэнэ хүлээн авч уулзлаа.
Уулзалтын үр дүнд АНУ, Австрали, Канад зэрэг улсуудад англи хэлтэй байгаль хамгаалагч нарыг шат дараалан байгаль хамгааллын чиглэлээр бэлтгэхээр боллоо.
Байгаль хамгааллын байнгын санхүүжилтийн хөтөлбөр нь Монгол Улсын урт хугацааны хөтөлбөр болох “Алсын хараа 2050”-д тусгагдсан Монгол Улсын нийт газар нутгийн 30 хувийг 2030 он гэхэд Улсын тусгай хамгаалалтад авах, тусгай хамгаалалттай газар нутгийн менежментийг сайжруулах, нутгийн иргэдэд түшиглэсэн байгалийн нөөцийн хамтын менежментийг хэрэгжүүлэх зорилтуудыг биелүүлэхэд урт хугацааны тогтвортой санхүүжилтийг бий болгохоор зорьж байна.
