/2022.06.10/ Нүүрс тээвэрлэлттэй холбоотойгоор Гаалийн ерөнхий газрын зарим албан тушаалтнуудыг эрх мэдлээ урвуулан ашигласан байж болзошгүй гэж үзэн шалгаж эхэлжээ. Тус шалгалтыг Эрүүгийн цагдаагийн алба болон Авлигатай тэмцэх газар хамтран хийж байгаа аж.

Энэ талаар Цагдаагийн ерөнхий газрын хэвлэл мэдээллийн ажилтнаас тодруулахад “Эрүүгийн цагдаагийн албанаас өчигдөр нүүрс тээвэрлэлттэй холбоотойгоор хэд хэдэн газар нэгжлэг зохион байгуулж гадаад валют, их хэмжээний бэлэн мөнгө хурааж авсан” гэсэн юм.