/2022.05.05/: Цахим спортын томоохон төрлүүдийн нэг CS:GO (Counter-Strike: Global Offensive) тоглоомын дэлхийд нэр хүндтэй, хамгийн өндөр шагналтай "Major Championship" тэмцээн тавдугаар сарын 9-нд эхлэнэ.
"IHC Esports" баг сүүлд Австралийн "Renegades" багийг хожсоноор Ази-Номхон далайн бүсээ тэргүүлэн, тус тэмцээнд Монгол Улс төдийгүй бүсээ төлөөлөн оролцохоор болсон юм.
Тэд маргааш буюу тавдугаар сарын 5-нд Бельги Улсын Антверпен хотыг зорино. Энэхүү тэмцээнд дэлхийн бүс бүрээс шалгарсан 24 баг оролцох юм. Эдгээр залуус Монголын нэрийг дэлхийн залууст сурталчилж байна.
Нэг хэсэг цахим тоглоомыг хүүхдийн хүмүүжил, сэтгэхүйд сөрөг нөлөөтэй гэж эсэргүүцдэг байв. Харин одоо дэлхий дахин цахим спорт гэдгийг хүлээн зөвшөөрч, зөв чиглүүлж, хөгжүүлж чадвал олон улсад Монгол улсыг таниулах том боломж болжээ.
