/2023.04.04/: Олон улсын тэшүүрийн холбооны календарьчилсан төлөвлөгөөнд багтдаг “Sea Open Short Track Trophy” тэмцээн өнгөрөгч амралтын өдрүүдэд Сингапурт болж өндөрлөлөө.
Манай улсаас насанд хүрэгчдийн ангилалд ОУХМ Баттулгын Гэрэлтуяа гурван алт, нэг мөнгөн медаль хүртсэн бол залуучуудын ангилалд Эрдэнэбилэгийн Мөнх-Эрдэнэ хоёр мөнгө, нэг хүрэл, Баярхүүгийн Баттулга нэг мөнгө, хоёр хүрэл медалийн эзэн болжээ.
Тэнгисийн нээлттэй тэмцээнд Монгол, Австрали, Шинэ Зеланд, Филиппин, Энэтхэг, Сингапур, Малайз, Хонгконг, Тайвань, Вьетнам, Индонези зэрэг 11 орны 120 тамирчин өсвөр үе, залуучууд, насанд хүрэгчдийн ангилалд өрсөлдсөн юм.
Эх сурвалж: ҮШББСТ
