/2023.05.23/: Японы Хирошимад болсон Долоогийн бүлгийн (Их 7) дээд хэмжээний уулзалтаар ардчиллын томоохон орнуудын удирдагчид Орост чиглэсэн шинэ хориг арга хэмжээ авахаа амлаж, Хятадтай холбоотой улам бүр өсөн нэмэгдэж буй аюул заналд санаа зовж буйгаа илэрхийлсэн юм.
Тэгвэл энэхүү уулзалтыг Москва, Бээжин эсэргүүцэж байна.
ОХУ-ын Гадаад хэргийн сайд Сергей Лавров энэхүү уулзалтыг Орос, Хятад улсуудын хөгжлийг "сааруулах" зорилготойгоо гэж шүүмжилсэн юм.
Үүний зэрэгцээ Хятадын ГХЯ G7-ын удирдагчдыг "олон улсын энх тайванд саад учруулж байна" гэж буруутгаж, тус бүлэглэл "өөрсдийн үйлдлээ эргэцүүлэн бодож, чиглэлээ өөрчлөх хэрэгтэй" гэж мэдэгдэв.
