/2022.02.08/: Өнөөдөр дэлхийн "Аюулгүй интернэтийн өдөр" тохиож байна.

Европын холбооны дэмжлэгтэйгээр Европын Аюулгүй Интернэт Төвүүдийн (SICs) Insafe/INHOPE сүлжээнээс тус өдрийг жил бүр уламжлал болгон тэмдэглэдэг бөгөөд энэ жил “Илүү аюулгүй интернэтийн төлөө хамтдаа” уриан дор зохион байгуулж байна.

Монгол Улс тус санаачилга арга хэмжээнд 2017 оноос албан ёсоор нэгдэн, Монгол Улсын Засгийн газар, Хөдөлмөр нийгмийн хамгааллын яам, Цахим хөгжил, харилцаа холбооны яам, Харилцаа холбооны зохицуулах хороо, Гэр бүл, хүүхэд, залуучуудын хөгжлийн газар, НҮБ-ын Хүүхдийн сан зэрэг холбогдох байгууллагууд хамтран цахим орчинд эерэг аюулгүй хэрэглээг бий болгохын төлөө дэмжин оролцож байна.

Эх сурвалж: ХНХЯ