УИХ-ын хаврын ээлжит чуулганаар Татварын багц хуулийн төслийг эцэслэн баталсан. Татварын багц хуулийн нэмэлт, өөрчлөлт 2027 оны нэгдүгээр сарын 1-нээс эхлэн хэрэгжиж эхэлнэ. Уг хуулийн гол өөрчлөлтүүдээс танилцуулбал:

Хувь хүний орлогын албан татвар (ХХОАТ):

• Сард 792 мянган төгрөг хүртэлх цалин, хөдөлмөрийн хөлсөөс авах татварыг 0% буюу татваргүй болгов (2027.01.01-ний өдрөөс хэрэгжинэ).
• 792 мянгаас 2 сая төгрөг хүртэлх цалингаас 1% татвар авах шатлал 2028.01.01-ний өдрөөс хэрэгжинэ
• Иргэн анхны орон сууцаа борлуулсан тохиолдолд татвараас чөлөөлнө.

Аж ахуйн нэгжийн орлогын албан татвар (ААНОАТ):

• Жилийн 2.5 тэрбум төгрөг хүртэл орлоготой зарим ААН-ийн татварын босгыг 1.0% болгож бууруулсан.Уул уурхайн бус компаниудын шатлалд 15%-ийн нэмэлт шатлал орсон.

Нэмэгдсэн өртгийн албан татвар (НӨАТ):

• НӨАТ төлөгч болох жилийн борлуулалтын босгыг 50 сая төгрөгөөс 400 сая төгрөг болгон өсгөв.
• Татварын тайлан гарсны дараа татвараа шууд бус, хоёр сарын дараа төлөх боломжтой болсон.

Татварын ерөнхий зохицуулалт:

• Татвар төлөгчийн дансыг шууд битүүмжлэхгүй байх, өр үүссэн тохиолдолд ирээдүйд орж ирэх орлогын 70 хувийг татварт авч, 30 хувийг үлдээх зохицуулалт тусгагджээ.
• Тайлан залруулах хугацаа 2 жил болсон