ОХУ, Украин, АНУ-ын төлөөлөгчид арваннэгдүгээр сарын 10–11-нд Арабын Нэгдсэн Эмират Улсын Абу Даби хотод гурван талт хэлэлцээ хийхээр болсныг Кремль баталгаажуулжээ.

ОХУ-ын Ерөнхийлөгчийн туслах Владимир Мединский тус улсын төлөөлөгчдийг ахлан оролцох бол АНУ-ын талаас хэлэлцээг зуучлах юм байна.

АНУ-ын Тусгай элч Стив Уиткоффын мэдээлснээр хэлэлцээгээр дайны дараах аюулгүй байдлын зохицуулалт, мөргөлдөөнийг намжаах, хүмүүнлэгийн асуудал болон энхийн хэлэлцээний дараагийн алхмуудыг хэлэлцэхээр төлөвлөжээ.

Гэвч хэлэлцээний өмнөхөн буюу арваннэгдүгээр сарын 7-ны өглөө ОХУ Киев хотод баллистик пуужингийн цохилт өгсөн байна. Довтолгооны улмаас орон сууцны барилга болон цэцэрлэгийн барилга гэмтэж, хоёр хүн бэртжээ.

Ийнхүү энхийн хэлэлцээ эхлэхээс хэдхэн хоногийн өмнө довтолгоо үргэлжилж байгаа нь хэлэлцээний үр дүнд эргэлзээ төрүүлж байна.

Эх сурвалж: Reuters