УКРАИНЫ ДАЙН: Сүүлийн үеийн мэдээллүүдийн тойм
 
Энэ мэдээ хуучирсан буюу 2023/08/17-нд нийтлэгдсэн мэдээ болно.

УКРАИНЫ ДАЙН: Сүүлийн үеийн мэдээллүүдийн тойм

5 dead in Russian missile strike on apartment building in Dnipro, official  says

/2023.08.17/: Украины Ерөнхийлөгч Володимир Зеленский лхагва гарагт Дунай мөрний боомт руу оросууд нисгэгчгүй онгоцоор дайрсны дараа Орос улс дэлхийн хүнсний аюулгүй байдалд заналхийлж байна гэж буруутгалаа.

Өнгөрсөн сард Москва Хар тэнгисийн үр тарианы хэлэлцээрээс гарснаас хойш Орос долоо дахь удаагаа Украины боомтуудыг онилсон явдал боллоо.

"Оросын алан хядагчид дахин манай боомтуудыг ониллоо. Манай дэд бүтэц нь зөвхөн манайх биш, харин дэлхийн нийтийн хүнсний аюулгүй байдлыг хангах үүрэг гүйцэтгэдэг" гэж Зеленский хэлэв.

G20-ын найдвар: Украины Гадаад хэргийн дэд сайд Николай Точицки Киев ирэх сард Энэтхэгт болох Их 20-ийн дээд хэмжээний уулзалтад оролцоно гэж найдаж байгаагаа мэдэгдэв. “Орос улсын үр тарианы хэлэлцээрийг зогсоохын тулд хийж байгаа зүйл нь Африк, Азийн орнууд төдийгүй дэлхийн эдийн засагт сорилт болж байна гэж бид үзэж байна" гэв. Украиныг дээд хэмжээний уулзалтад одоогоор уриагүй байна.

Хохирогчдын тоо нэмэгдсээр байна: Оросууд Херсон, Днепропетровск мужуудад халдсаны улмаас хоёр хүн амь үрэгдэж, хэд хэдэн хүн шархадсан гэж Украины албаныхан лхагва гарагт мэдэгдэв. Үүний зэрэгцээ, Украины зэвсэгт хүчнийхэн өөрсдийгөө тунхагласан Бүгд Найрамдах Донецк Ард Улсад халдах үеэр нэг хүн амиа алдаж, хоёр хүн шархадсан гэж Москвагийн дэмжлэгтэй албаны хүн мэдэгдэв.

Вагнераас эмээж байна: Литва лхагва гарагт Беларусьт байрлаж буй Вагнерын хөлсний цэргийн хүчинд санаа зовж байгаа тул тус улстай хиллэдэг хоёр шалган нэвтрүүлэх боомтоо түр хаана гэж мэдэгдэв. Беларусийн хилийн цэргийнхэн энэ шийдвэрийг шүүмжилж, "хөршүүдийн маань бас нэг шаардлагагүй, найрсаг бус алхам" гэж тайлбарлав.

Хорлон сүйтгэх ажиллагаа: ОХУ-ын Холбооны аюулгүй байдлын алба (ФСБ) Украинтай хөрш зэргэлдээ орших Брянск муж руу Украины хорлон сүйтгэх, тагнуулын бүлэг нэвтрэх оролдлогыг зогсоосон гэж мэдэгдлээ.

ЕХ-ны сан: Европын Комисс Украин, Молдав руу анх Орос, Беларусь улсуудад зориулж байсан 147 сая долларын санхүүжилтийг шилжүүлсэн гэж мэдэгдэв. ЕХ-ны комиссар Элиза Феррейра "Манай Интеррег хөтөлбөрөөр дамжуулан Орос, Беларусь улстай анх төлөвлөж байсан хамтын ажиллагаагаа цуцлах шийдвэр нь Украины эсрэг Оросын харгис дайны үр дүн" гэж мэдэгдэв.

Хоригдлуудтай утсаар ярьжээ: АНУ-ын Төрийн нарийн бичгийн дарга Энтони Блинкен лхагва гарагт ОХУ-ын алслагдсан хорих лагерьт хоригдож буй Америкийн Пол Уилантай утсаар ярьсан гэж эх сурвалж CNN агентлагт ярьжээ. АНУ-ын шилдэг дипломатч Уиланд "итгэлээ битгий алдаарай, бид таныг аль болох хурдан гэрт тань авчрахын тулд чадах бүхнээ хийж байна" гэж хэлжээ.

Эх сурвалж: CNN

2022 онд дэлхийн 3.5 сая саятан дампууржээ
2022 онд дэлхийн 3.5 сая саятан дампууржээ
 
Архангай, Өвөрхангай, Баянхонгор аймгийнхны АНХААРАЛД
Архангай, Өвөрхангай, Баянхонгор аймгийнхны АНХААРАЛД
Энэ мэдээ хуучирсан буюу 2023/08/17-нд нийтлэгдсэн мэдээ болно.