/2023.06.20/: НӨАТ-ын урамшууллын 2023 оны зургаадугаар сарын сугалааны тохирол тааруулах шууд нэвтрүүлгийг 2023 оны зургаадугаар сарын 21-нд 13.00 цагт ибаримт аппликейшн болон Боловсрол суваг телевизээр орон даяар шууд дамжуулна.

Иргэн та 2023 оны тавдугаар сарын 01-нээс 31-ний өдрийн хооронд худалдан авалт хийсэн цахим төлбөрийн баримтаа зургаадугаар сарын 20-ний өдрийн 12 цаг 59 минутаас өмнө бүртгүүлж, сугалаандаа хамрагдана уу.

Сугалааны шинэчлэлээр тохирол таарсан азтанд урамшуулал олгохдоо тухайн худалдан авалт хийсэн аймаг, дүүргийн баримт хэвлэлтийн өсөлтийн хувиар урамшууллыг нэмэгдүүлэн олгодог болсон.

Өмнөх сарын сугалааны тохирлоор цахим төлбөрийн баримт хэвлэлтийн өсөлтийн хувь хамгийн өндөр нь Багахангай дүүрэг +14 хувь, Төв аймаг +13 хувь, Баянхонгор аймаг +11 хувь, Дархан-Уул аймаг +10 хувь байсан бол хамгийн бага нь Булган, Сэлэнгэ аймаг 0 хувь байлаа.

Эх сурвалж: МТА