/2022.01.27/ Сайд асан Ё.Отгонбаярт хариуцлага тооцсон тухайгаа МАН-ын Ерөнхий нарийн бичгийн дарга Д.Амарбаясгалан цахим хуудсаараа дамжуулан мэдээллээ.

Тэрбээр “МАН ёс зүй, хариуцлага алдсан албан тушаалтнуудтай улс төрийн хариуцлага тооцох бодлогынхоо дагуу Ё.Отгонбаярт хариуцлага тооцож, МАН-ын даргын зөвлөхийн албан тушаалаас чөлөөллөө.

МАН хүний эрхийг дээдэлсэн, авлигын эсрэг тэмцдэг дэвшилтэт нам байх болно” хэмээжээ.

Сануулахад, Сайд асан Ё.Отгонбаяр нь сэтгүүлчийн амь насанд заналхийлсэн асуудлаар өчигдөр буюу энэ сарын 26-ний өдөр нэр бүхий сэтгүүлчид хэвлэлийн хурал хийсэн юм.