/2022.01.27/: Өчигдөр 17 цагийн үед Баянгол дүүргийн 18 дугаар хороо, 86 дугаар байранд ашиглалтын шаардлага хангахгүй цахилгаан шатны хонгилд 3 настай эрэгтэй хүүхэд унасан байсныг Онцгой байдлын алба хаагчид гарган эцэг, эхийн хамт ГССҮТ-д хүргэн өгчээ.
Харамсалтай нь хүү ГССҮТ-д хүргэгдсэнийхээ дараа нас баржээ.
Тухайн лифт нь 2 жил ажиллаагүй бөгөөд энэ давхрын лифтний хаалга нь эвдрэлтэй байгааг оршин суугчид СӨХ-дөө удаа дараа мэдээлсэн хэдий ч арга хэмжээ аваагүй байна.
Хэргийг Баянгол дүүргийн цагдаагийн хэлтэст шалгаж байгаа аж.
Эх сурвалж: ОБЕГ
