/2021.12.10/: Хүйтний улирал эхэлсэнтэй холбогдуулан жолооч нар өөрсдийн автомашинаа дулаалах зорилгоор автомашины хамар дотор эсгий, болон бусад төрлийн даавуун материалтай зүйлсийг хийж дулаалах тохиолдол байдаг. Мөн өглөө царцсан автомашинаа асаахын тулд бамбар болон үнс ашигласнаас гал гарах тохиолдол бүртгэгдэж байна.
Өнгөрсөн 24 цагт автомашин шатсан 2 дуудлага Онцгой байдлын газарт бүртгэгджээ.
Сүхбаатар дүүргийн 11 дүгээр хороонд иргэн О-ийн “Прогресс” загварын автомашины хөдөлгүүр шатсан мөн Дорноговь аймгийн Сайншанд сумын иргэн Г-ын “Соната-2” загварын суудлын автомашин шатаж байсан зэргийг харъяа Онцгой байдлын газруудаас очиж унтраасан байна.
Эх сурвалж: ОБЕГ
