АНУ-ын Холбооны нисэхийн захиргаа (FAA) агаарын хөдөлгөөний удирдлагын харилцаа холбооны системд доголдол гарсны улмаас арваннэгдүгээр сарын 13-нд улс даяар нисэх онгоцны хөөрөлтийг түр зогсоожээ.

Системийн доголдол АНУ-ын 22 бүсийн нислэгийн удирдлагын төвд нөлөөлсөн бөгөөд нислэгүүдийг аюулгүй байдлын үүднээс ойролцоогоор 5 цагийн турш зогсоосон байна.

FlightAware-ийн мэдээллээр:

• 10,000 гаруй нислэг хойшлогджээ.

• 4,000 гаруй нислэг цуцлагджээ.

• Нийт 15,000 орчим нислэгт саатал, цуцлалтын нөлөө үзүүлсэн байна.

• Зогсолт эхлэх үед АНУ-ын нисэх буудлуудыг чиглэн 3,100 орчим онгоц агаарт байжээ.

АНУ-ын Тээврийн сайд Шон Даффигийн мэдээлснээр, хуучирсан нислэгийн удирдлагын төхөөрөмжүүд хэт их мэдээлэл боловсруулснаас харилцаа холбооны доголдол үүссэн байна.

Харин Дотоодын аюулгүй байдлын сайд Марквейн Маллин кибер халдлага болсон гэх нотолгоо одоогоор байхгүй, бүх нислэгийн аюулгүй байдлыг хангасан гэж мэдэгджээ.

FAA арваннэгдүгээр сарын 13-ны орой нислэгийн зогсолтыг цуцалж, агаарын орон зайг дахин нээсэн ч нислэгийн хуваарь бүрэн хэвийн болоход хэдэн өдөр шаардагдаж болзошгүйг анхааруулсан байна.

АНУ-ын Засгийн газар нислэгийн удирдлагын хуучирсан системийг шинэчлэхэд 30-50 тэрбум ам.долларын хөрөнгө оруулалт шаардлагатай гэж үзэж байна