/2021.11.8/ УИХ-ын чуулганы хуралдаанд гишүүн Ц.Даваасүрэн бизнес эрхлэгчдийн нэр төрд халдсан зарим үгийг хэлэв. Тэрээр:

-Дарханы арьс ширний цогцолборыг барьж эхлэхэд Төв банк оролц. Энэ үйлдвэрийг 100 сая доллараар, хоёр жилийн дотор барьж, ашиглалтад оруулна. Бид хулгай дээрмээр баялгаа зөөхөөс өөр юм алга. Тэгээд ийм хөрөнгө оруулалт хийхгүй байна. Валют олох хоёр дох боломж бол органик хүнс. Хятадад 40 сая хүүхэд төрж байна. Тэнд бид яагаад органик хүүхдийн сүү нийлүүлж болохгүй билээ. Манай бизнесменүүд дээрмээр мөнгө олсон тул залхуу. Эд хөдөлмөрлөж мөнгө олоогүй. Хулгай луйвраар мөнгө олсон учир залхуураад ийм юм руу хөрөнгө оруулалт хийдэггүй байхгүй юу. Гадныхан орж ирээд манай хуурай сүүгээр бүтээгдэхүүн хийг. Төрийн зохицуулалтаар энэ мэт тодорхой үйлдвэрүүдийг дэмж гэв.

Түүний хэлсэн үг олны дургүйцлийг төрүүлж байна.