/2023.02.07/ Үе тэнгийн хүүхдүүд нэгнээ дээрэлхэж, улмаар зодуулсан гэх 15 настай охин нас барсан хэрэг өнгөрсөн нэгдүгээр сард Ховд аймагт гарсан.
Уг хэргийн талаар Цагдаагийн ерөнхий газрын хэвлэл мэдээллийн төлөөлөгчөөс тодруулахад, "Ховд аймгийн цагдаагийн газарт хэргийг шалгаж байгаа. Шүүх эмнэлгийн дүгнэлт хараахан гараагүй байна. Уг хэрэгт хүүхэд хохирсон тул прокурорын байгууллагаас зөвшөөрөл авч нийтэд мэдээлэл өгөх ёстой. Тиймээс дэлгэрэнгүй мэдээлэл өгөх боломжгүй байна" гэсэн юм.
