Хөгжлөөрөө сүүл мушгисан 5 аймгийн ЗАСАГ ДАРГА НАР

/2023.02.06/ Эдийн засгийн бодлого, өрсөлдөх чадварын судалгааны төвөөс "Монгол Улс: Аймгуудын өрсөлдөх чадварын тайлан"-г жил бүр танилцуулдаг. Энэ жилийн 21 аймгийн өрсөлдөх чадварын тайлангийн үр дүнг энэ сарын 1-ний өдөр олон нийтэд мэдээллээ.

Ерөнхий үнэлгээгээр Баянхонгор, Говь-Алтай, Дундговь, Завхан, Булган аймаг хамгийн бага үнэлгээ авч, сүүлийн 5 байрт орсон байна. Өнгөрсөн жил мөн дээрх таван аймаг хамгийн бага оноотойгоор сүүл мушгиж байсан юм.

Эдгээр 5 аймаг Бизнесийн үр ашиг үндсэн бүлгийн хувьд сул байгаа нь судалгааны үр дүнгээр гарч иржээ. Тиймээс цаашид зүйлс, шийдлийг боловсруулан гаргасан байна.

Mpress.mn сайтаас энэхүү аймгуудаас "төрсөн" УИХ-ын гишүүдийн талаар мэдээлж байсан. Энэ удаад аймгийн Засаг дарга нарыг онцолж байна.

17. Баянхонгор /49.03/

**Баянхонгор аймгийн Засаг дарга Д.Мөнхсайхан**

Засаг дарга: Д.Мөнхсайхан. Тэрээр 2020 оноос хойш Баянхонгор аймгийн Засаг даргаар ажиллаж байгаа юм.

Ажилласан байдал:

2000-2001 онд Аймгийн ЗДТГ-ын хүний нөөцийн ажилтан
2001-2003 онд Дэлхийн Зөн ОУ-ын байгууллагад салбарын зохицуулагч
2003-2005 онд “Монгол шуудан” ХХК-ийн салбарын захирал
2007-2012 онд Аймгийн Мэргэжлийн Хяналтын Газрын дарга
2012-2018 онд “Их Богд зам” ХХК-ийн захирал
2018-2020 онд “Эрдэнэс монгол” ХХК-ийн Санхүүгийн газрын захирал
2020 оноос хойш Баянхонгор аймгийн Засаг даргаар ажиллаж байна.

Намын харьяалал: Монгол ардын нам

18. Говь-Алтай /48.43/

**Говь-Алтай аймгийн Засаг дарга О.Амгаланбаатар**

Засаг дарга: О.Амгаланбаатар. 1976 онд төрсөн. Тэрээр 2013 онд тус аймгийн Засаг даргын албыг хашиж байсан бөгөөд 2017 оноос Ерөнхийлөгчийн зөвлөхөөр ажилласан байна. Үүний дараагаар дахин 2020 оноос Говь-Алтай аймгийн Засаг даргаар ажиллаж эхэлжээ.

Ажлын туршлага:

2001 онд Бургастайн боомтод Гаалийн байцаагцаар ажилласан.
2012 онд Говь-Алтай аймгийн Ардчилсан намын даргаар ажиллаж эхэлсэн.
2013 онд Говь-Алтай аймгийн Засаг даргын албыг хүлээж авсан.
2017 онд Монгол Улсын Ерөнхийлөгчийн зөвлөхөөр ажилласан.
2020 оноос Говь-Алтай аймгийн Засаг даргаар ажиллаж байна.

Намын харьяалал: Ардчилсан нам

19. Булган /47.14/

**Булган аймгийн Засаг дарга Б.Ариун-Эрдэнэ**

Засаг дарга: Б.Ариун-Эрдэнэ. 1983 онд Булган аймгийн Хутаг-Өндөр суманд төрсөн. Эхнэр 3 хүүхдийн хамт амьдардаг. 2020 оноос Булган аймгийн Засаг даргаар ажиллаж байна.

Ажилласан байдал:

2014-2016 онд Уулын баяжуулах “Эрдэнэт үйлдвэр”-ийн Ерөнхий захирлын орон тооны зөвлөх
2018-2020 онд “Монголросцветмет нэгдэл” төрийн өмчит үйлдвэрийн газрын “Шижир алт” компанийн захирал
2020 оноос хойш Булган аймгийн Засаг даргаар ажиллаж байна.

Намын харьяалал: Ардчилсан нам

20. Завхан /45.14/

**Завхан аймгийн Засаг дарга Д.Түвшинжаргал**

Засаг дарга: Д.Түвшинжаргал. 1970 онд Завхан аймгийн Их-Уул суманд төрсөн. Ам бүл 4. Эхнэр 2 хүүхдийн хамт амьдардаг. 2020 оноос хойш Завхан аймгийн Засаг даргын албыг хашиж эхэлсэн.

Ажил эрхлэлт:

1993-1994 онд Их-Уул сумын 8 жилийн дунд сургуульд математикийн багш
1994-2002 онд Их-Уул сумын 8 жилийн дунд сургуульд хичээлийн эрхлэгч, захирал
2002-2007 онд Их-Уул сумын Засаг дарга
2007-2008 онд Завхан аймгийн Хөдөлмөр, халамж, үйлчилгээний хэлтсийн дарга
2009-2011 онд Завхан аймгийн Мэргэжлийн хяналтын газрын хэлтсийн дарга, улсын ахлах байцаагч
2011-2012 онд “Алтай-Улиастай эрчим хүчний систем” ТӨХК-ийн Завхан аймаг дахь салбарын дарга
2012-2016 онд Завхан аймгийн Засаг даргын Тамгын газрын дарга
2019 оны 6 сараас Завхан аймгийн МАН-ын хорооны дарга
2004, 2012, 2020 онд Завхан аймгийн ИТХ-ын төлөөлөгч
1996, 2000, 2004 онд сумын иргэдийн төлөөлөгчөөр тус тус сонгогдож байсан
2020 оноос Завхан аймгийн Засаг даргаар ажиллаж байна.