/2022.12.16/: Хэнтий аймгийн Цэнхэрмандал сумын “Цагаан хөтөл” гэдэг газар суудлын автомашин цасанд суусан гэсэн дуудлага Онцгой байдлын газарт иржээ.

Дуудлагын дагуу Багануур дүүргийн Онцгой байдлын хэлтсийн Гал түймэр унтраах, аврах 64 дүгээр ангийн алба хаагчдыг очиход иргэн 3 том хүн, 10, 8, 5 настай 3 хүүхдийн хамт “Митцүбиши Пусо” загварын автомашинтай цасанд сууж осголтын байдалтай байсныг 30 минут ажиллан татаж гарган Багануур дүүрэг рүү тээвэрлэн хүргэсэн байна.

Эх сурвалж: ОБЕГ