/2022.12.09/ Энэ сарын 6-ны өдөр АН-ын бүлэг хуралдаж мэдээлэл өгсөн байдаг. Энэ үеэр бүлгийн дарга О.Цогтгэрэл "ЭТТ-д удирдах албан тушаал хашиж Санхүүгийн хэлтсийн дарга хийж байсан хүн Казахстанд орон сууцны хороолол барьж байна" гэсэн мэдээллийг олон нийтэд өгсөн юм.

Тэгвэл үүнтэй холбоотойгоор шалгалтын ажиллагааг явуулсан байна. Энэ талаар Хууль зүй, дотоод хэргийн сайд Х.Нямбаатар өөрийн цахим хуудсаар дамжуулсан мэдээлжээ. Тэрээр:

-“Эрдэнэс Тавантолгой” ХК-ийн удирдлагын багт ажиллаж байсан хүний хамаарал бүхий компани Бүгд Найрамдах Казахстан Улсын Алмата хотод хууль бусаар тансаг зэрэглэлийн орон сууцны хороолол барьж байгуулсан хэрэгт мөрдөн шалгах ажиллагаа явуулсан. Улмаар тус хэргийг шүүхэд шилжихээр болсон гэлээ.