/2021.08.23/ Замын-Үүдээс Улаанбаатарт ирсэн автобус буцахдаа зорчигч тээвэрлэхгүй гэдгийг Аймгийн Засаг даргын тамгын газраас мэдээллээ.

"Covid-19" халдварын улмаас зарим аймгийн Онцгой комиссоос хот хоорондын нийтийн зорчигч тээврийн үйлчилгээг түр зогсоогоод байгаа юм.

Тэгвэл хичээлийн шинэ жил эхлэх гэж буйтай холбогдуулан Замын-Үүд сумын онцгой комиссоос наймдугаар сарын 23-28-ны өдрүүдэд Замын-Үүд-Улаанбаатар чиглэлд нийтийн тээврийн хэрэгсэл зорчуулах шийдвэрийг гаргажээ.

Тасалбарын үнэ 55 мянган юм байна. Улаанбаатар явах иргэд автотээврийн үндэсний төвийн Замын-Үүд дэх салбараас тасалбараа захиалах аж.