/2022.09.22/ Эх хүүхдийн эрүүл мэндийн үндэсний төв /ЭХЭМҮТ/-өөс шинэ хонины махаар хийсэн хар шөл, цайг төрөх өрөөнд хүргэдэг үйлчилгээг нэвтрүүлжээ.
Учир нь амаржсан, төрсөн эхийн ар гэрийхэн нь эмнэлгийн гадаа, машины тээшинд шөл хийх явдал түгээмэл байдаг. Хэдийгээр энэ нь шинэ хоол байж болох ч нөгөө талаар эхийн халдвар хамгаалал, аюулгүй байдлын хувьд өндөр эрсдэлтэйд тооцогддог байна. Иймд ЭХЭМҮТ-өөс тус үйлчилгээг нэвтүүлж байгаа аж.
Захиалгын хувьд шөл сонголтгүй, цай нь сүүтэй , сүүгүй гэсэн хоёр сонголттойгоор төрсөн ээжид эмнэлгийн гал тогооноос шууд хүрч байгаа юм байна. Мөн захиалга авсан тогооч өөрөө шөл, цайгаа бэлтгэн өөрийн биеэр төрөх тасаг руу хүргэж өгөх ажээ.
