/2022.09.15/: Сэлэнгэ аймгийн Сүхбаатар сумын Баянхан багт бохирын шугамын худагт ажиллаж байсан 2 хүн шороонд дарагдсан тухай дуудлага өчигдөр Онцгой байдлын газарт иржээ.

Дуудлагын дагуу тус аймгийн Онцгой байдлын газрын Эрэн хайх, аврах ангийн алба хаагчид 2 км замыг туулан очиход бохирын шугамын нүх ухаж байсан ажилтан М 34 настай, эрэгтэй, У 29 настай, эрэгтэй нар 2 метрийн гүнтэй нүхэнд шороонд дарагдсан байсныг эсэн мэнд гаргаж, аймгийн Нэгдсэн эмнэлгийн яаралтай тусламжийн гэмтлийн эмчид хүлээлгэн өгсөн байна.

Эх сурвалж: ОБЕГ