/2022.8.24/ Үүрэгт ажилдаа хариуцлагагүй хандаж, шаардлагатай арга хэмжээг цаг тухайд нь авч ажиллаагүй тул БОАЖ-ын Усны бодлого зохицуулалтын газрын дарга Г.Хоролмааг ажлаас нь чөлөөлж, Усны газрын дарга Ш.Мягмарт сануулга өгч, сахилгын арга хэмжээг авах үүргийг БОАЖ-ын сайд Б.Бат-Эрдэнэ өглөө.
Мөн Туул голын сав газрын захиргааны удирдлагад үндсэн чиг үүргээ хариуцлагатайгаар биелүүлэхийг даалгасан байна.
Туул голын сав газарт усан парк барина гэж зөвшөөрөл авчихаад орон сууцны хороолол, үйлчилгээний төв барихаар зэхэж буй "Эм энд Жи констракшн" компаниас эхлээд, Туул, Сэлбэ голын дагуу барилга барих явдал ихсэж байна. Энэ мэт зөрчлийг цаашид гаргахгүйн тулд шаардлагатай арга хэмжээг дор бүрнээ авч ажиллахыг даалгалаа.
