ЗТХЯ: Шинэ зүтгүүрээр хөдлөх бүрэлдэхүүнээ нэмэгдүүлнэ
Шуурхай мэдээ
 

ЗТХЯ: Шинэ зүтгүүрээр хөдлөх бүрэлдэхүүнээ нэмэгдүүлнэ

/2024.02.06/: Зам, тээврийн хөгжлийн дэд сайд Л.Халтар өчигдөр ОХУ-ын Тээврийн орлогч сайд Дмитрий Станиславович Зверевтай цахимаар уулзаж, төмөр замын хамтын ажиллагааны талаар ярилцлаа.

Монгол, Оросын хувь нийлүүлсэн Улаанбаатар төмөр зам нийгэмлэгийг үүсгэн байгуулах тухай хоёр улсын Засгийн газар хоорондын хэлэлцээрийн нэмэлт протоколд 2023 оны зургадугаар сарын 21-ний өдөр Зам, тээврийн хөгжлийн сайд С.Бямбацогт, ОХУ-ын Тээврийн сайд В.Савельев нар гарын үсэг зурсан.

Үүний хүрээнд оросын талаас нийлүүлэх 5 зүтгүүрийг 2024 оны эхний хагаст багтаан шуурхай авч, хөдлөх бүрэлдэхүүнээ нэмэхэд анхаарал хандуулж, дэмжлэг үзүүлэхийг хүслээ.

”Улаанбаатар төмөр зам” нийгэмлэг үүсэн байгуулагдсан 75 жилийн ойг энэ онд тэмдэглэнэ.

Ойн арга хэмжээний хүрээнд Дархан-Уул аймгийн 4-р багийн нутагт байршилтай “Улаанбаатар төмөр зам” ХНН-ийн ахмад настан, ажилчдын оршин сууж буй 60 айлын байрыг үнэ төлбөргүйгээр шилжүүлэн өгөх асуудлыг шийдвэрлэхэд дэмжлэг үзүүлэхийг хүсэв.

Эх сурвалж: ЗТХЯ

ШУУД: Ослын дараах сэргээн босгох ажлын талаар Нийслэлийн Засаг даргын нэгдүгээр орлогч П.Сайнзоригоос тодрууллаа
ШУУД: Ослын дараах сэргээн босгох ажлын талаар Нийслэлийн Засаг даргын нэгдүгээр орлогч П.Сайнзоригоос тодрууллаа
 
Т.Баярхүү: Хаваржилтын  эрсдэлийг бууруулах ажлыг улс төржүүлэхгүй байхыг  хүсэж байна
Т.Баярхүү: Хаваржилтын эрсдэлийг бууруулах ажлыг улс төржүүлэхгүй байхыг хүсэж байна
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.