/2024.02.02/: БНХАУ хоёр хүүхдээ өндөр байшингийн цонхоор шидсэн хосыг цаазаллаа.

Энэхүү хосууд гэрлэхэд хүүхдүүд нь саад болж байна гэсэн үндэслэлээр ийнхүү амийг нь хөнөөсөн байна.

Хүүхдүүдийн эцэг Жан Бо нь Е Ченчентэй хайр сэтгэлийн холбоотой болж, эхэндээ хүүхэдтэй гэдгээ нууж байсан боловч Е мэдсэн цагаасаа эхлэн хүүхдүүдийг хөнөөхийг шаардаж эхэлсэн байна.

Ийнхүү 2020 оны арваннэгдүгээр сард Жан Е-тэй тохиролцсоныхоо дараа хоёр настай охин, нэг настай хүүгээ унтлагын өрөөний цонхны хажууд тоглож байхад нь 15 давхраас шидэж, хоёуланг нь хөнөөсөн гэж шүүхээс мэдэгдэв.

Жан, Е нарт 2021 оны арванхоёрдугаар сард шүүхээс цаазаар авах ял оноожээ.

Тэднийг цаазалсан тухай мэдээ Хятадын олон нийтийн мэдээллийн хэрэгслээр Weibo сайтад олон зуун сая хандалт авч, хамгийн алдартай сэдэв болоод байна.

2020 онд нийтлэгдсэн судалгаагаар Хятадын иргэдийн 68 хувь нь цаазаар авах ялыг дэмжсэн байдаг.

Эх сурвалж: CNN