Ногоон байгууламж хангалтгүй төлөвлөсөн 1632 барилгын архитектур төлөвлөлтийн даалгаврыг хүчингүй болгожээ
 
Энэ мэдээ хуучирсан буюу 2023/10/04-нд нийтлэгдсэн мэдээ болно.

Ногоон байгууламж хангалтгүй төлөвлөсөн 1632 барилгын архитектур төлөвлөлтийн даалгаврыг хүчингүй болгожээ

/2023.10.04/: Нийслэлийн удирдлагуудын шуурхай хуралдаан болж Хотын дарга асан Д.Сумъяабазар сүүлийн удаа удирдан явууллаа.

Хурлаар нийслэлийн нутгийн захиргааны байгууллагуудын удирдлагаас цаг үеийн нөхцөл байдлын талаар зарим зүйлийг тодрууллаа.

Нийслэлийн хэмжээнд 2016 оноос өмнө иргэн, хуулийн этгээдэд батлан олгосон, барилгын ажлын зөвшөөрлийн гэрчилгээ олгогдоогүй, хот байгуулалтын мэдээллийн санд бүртгэлтэй байгаа Архитектур төлөвлөлтийн даалгаврыг холбогдох хууль, журмын дагуу цуцлах тухай Нийслэлийн Засаг даргын 2023 оны А/866 дугаар захирамжийн хэрэгжилтийн талаар Нийслэлийн ерөнхий архитектор бөгөөд Хот байгуулалт, хөгжлийн газрын дарга Ц.Тулга:

-Захирамжийн хүрээнд Нийслэлийн хот байгуулалтын мэдээллийн санд бүртгэлтэй 1642 барилгын 720 архитектур төлөвлөлтийн даалгаврыг хүчингүй болгох ажлыг зохион байгуулсан. Энэ хүрээнд хуулийн дагуу иргэн, аж ахуйн нэгжид сонсох үйл ажиллагаа явуулж, мэдээллийг хүргүүлэхэд 29 иргэн, аж ахуйн нэгжээс хариу тайлбар ирүүллээ.

Үүнийг мэргэжлийн зөвлөлийн хурлаар дахин хэлэлцэж, есөн иргэн, аж ахуйн нэгжийн архитектур төлөвлөлтийн даалгаврыг цуцлах үндэслэлгүй байна гэж үзэж, 1632 барилгын 711 архитектур төлөвлөлтийн даалгаврыг хүчингүй болгож, цахим болон цаасан суурьтай мэдээллүүдийг дахин шинэчилж байна. Цаашид барилга, байгууламжийн зөвшөөрөл олгохдоо ногоон байгууламж, барилгын харьцааг 60:40 байлгана хэмээв.

Эх сурвалж: НЗДТГ

Д.Сумъяабазар нийслэлийн удирдах ажилтнууд болон албан хаагчдад талархал илэрхийллээ
Д.Сумъяабазар нийслэлийн удирдах ажилтнууд болон албан хаагчдад талархал илэрхийллээ
 
#ЯгОдоо: Улаанбаатарын зарим хэсэгт Бээжингийн агаараас 10 дахин ИХ БОХИРДОЛТОЙ байна
#ЯгОдоо: Улаанбаатарын зарим хэсэгт Бээжингийн агаараас 10 дахин ИХ БОХИРДОЛТОЙ байна
Энэ мэдээ хуучирсан буюу 2023/10/04-нд нийтлэгдсэн мэдээ болно.