/2023.06.26/ НЗДТГ-ын хэвлэлийн төлөөлөгч Н. Сугар: Явган замыг шинэчлэх, дугуйн замыг хийх, стандартад нийцэхгүй байгаа дугуйн замуудыг шинэчлэх ажил өнгөрсөн жилээс эхлэн үргэлжилж байгаа.
Энэ жилийн хувьд 25 байршилд 19629м.кв талбайг засварлан өргөтгөх ажлуудыг төлөвлөсөн. Үүнээс одоогийн байдлаар 12 байршлийн 5220м.кв талбайн ажил бүрэн дууссан ба 10 байршлийн 10904м.кв талбайн ажил үргэлжлээд явж байгаагаас 3 байршлийн ажил удахгүй дуусна.
Өмнө нь явган хүний зам гэж хэлэхэд хэцүү, төлөвлөлтийн алдаа болон замбараагүй байдлын үр дүнд үүссэн, явган зорчигчдод бус автомашинд зориулсан хот бий болсон байсан. Энэ нөхцөл байдлыг арилгахын тулд эдгээр ажлуудыг хэрэгжүүлээд арга хэмжээ аваад явж байна гэв.
Эх сурвалж: НЗДТГ
