/2023.6.15/ Сэлэнгэ аймагт үйл ажиллагаа эрхэлдэг Гацуурт группийн ерөнхийлөгч Л.Чинбат өөрийн машинаараа морьтой болон мотоцикльтой хүмүүсийг хөөж яваа бичлэг фэйсбүүк орчинд дэлгэгдлээ.

Сэлэнгэ аймгийн малчид тэрхүү бичлэгийг фэйсбүүк группт анх нийтэлсэн байна. Бичлэгт сүрэг адууг тойрон морьтой залууг хөөж, улмаар түүнтэй зэрэгцэн явсан мотоцикльтой залууг машинаараа шүргэн унагах ажээ.

Харин энэ тухайдаа Л.Чинбат өөрийн твиттер хуудаснаа дараах байдлаар жиргэжээ.

Манай адууг туугаад явж байгаа малын хулгайч нартай тэмцэж байна. Цаашдаа ч тэмцэнэ.

Малын хулгай, хулгайч нар хэрээс хэтэрлээ. Хууль хяналтын байгууллагуудад гомдлоо гаргасан. https://t.co/TeXmFNTk4F

— Chinbat Lkhagva (@lchinbat) June 15, 2023

Л.Чинбат нь Соёлын сайд Ч.Номингийн аав билээ.