/2023.06.08/: Нийслэлийн прокурорын газрын хяналтын прокуророос яллагдагч С.Батдөл, Б.Эрдэнэхүү, Д.Адъяацэрэн, С.Баттулга, Б.Энхмандах, Ж.Багамонгол, Р.Дашбилэг нарын 7 хүнд холбогдох эрүүгийн хэргийг 2023 оны тавдугаар сарын 30-ны өдөр БГД-ийн Эрүүгийн хэргийн анхан шатны шүүх хүлээн аваад хянаж байна.

Хавтаст хэргийн материалаас үзэхэд яллагдагч С.Батдөлд урьд авсан цагдан хорих таслан сэргийлэх арга хэмжээний хугацаа 2023 оны зургаадугаар сарын 09-ний өдөр дуусахаар байна.

Шүүхээс яллагдагч С.Батдөлд оноосон гэмт хэргүүдийн шинжийг харгалзан тус шүүхийн шүүгчийн 2023 оны зургаадугаар сарын 08-ны өдрийн 952 дугаартай захирамжаар яллагдагчийг шүүх хурлын тов тогтоох хүртэл цагдан хорих хугацааг сунгаж шийдвэрлэсэн байна.

Эх сурвалж: ШҮҮХ